في لحظة تجلي قولتها
ومكنتش عاملها حساب
وعشان مكنتش قدها
دلوقتي جالي إكتئاب
سامحيني
متهور وإنتي عارفاني
مكنتش في وعيي
وكانت سكينتي سارقاني
وسارقة اللي فاضل مني
بحبك يا ست الناس
صديقتي وأختي وأمي
وحقك عالعين والراس
وكفاية شيلتي همي
أنا إتأدبت خلاص
مش هكرر تاني غلطي
قوليها وبإحساس
سامحتي وغفرتي ذنبي
يا أم القلوب الصافية
أنا آسف إني جرحتك
سامحيني كنت بعافية
وعارف إنه مش ذنبك
وحشتني عيونك الدافية
ووحشني صوت همسك
مليون آسف مش كافية
وعشمي في طيبة قلبك
وسامحيني
لأني مش هبطل أكتب عنك
مهقدرش موصفش ورود خدك
مهقدرش أكون في شغلي ووسط أصحابي
وقلبي محتاج يكون في قربك
ومش هقدر أبدا أكون عايش ومش عايش
يعني من الآخر .. لازم أعيش جنبك
ليست هناك تعليقات:
إرسال تعليق