أنا الوغد الصفيق اللي داس على قلوب اللي حبو غيري
ولا وغد غيري
أنا اللي قتل لا إتقتل واللي لا زرع ومع ذلك حصد
أيوة بجد حصل
أنا اللي قولت أنا وبس مفيش تاني
أنا الأناني
أنا اللي حتى الإنتحار طلع مش على مقاسي
أنا القاسي
أنا اللي في نظرهم داس عالكل
وقتل ورد وقتل فل
أنا اللي بنظرة بوقع ميت معزة وخروف
أنا الحللوف
أنا اللي بطلع أصطاد القلوب في الغابة
زعيم الديابة
أنا اللي شيلت قلبي وحطيت مكانه حجر
فراح إنتحر
أنا زي ما بيقولو .. طالما شغالين كلام
أنا الفتلة السودا والإبرة المكسورة
أنا باليتة الألوان
وأنا اللي إنكسر في عيونهم
فرفعو سكاكينهم
مرحموش ضعفي ولا كسرتي
رفعوني على الخازوق
صلبوني
لفوني بالشوك
قال بيغطوني
ورحمتهم كانت رصاصة في العقل
تمنع الأفكار من النقل
إنت لقيط .. لقيط
متفكرش يا عبيط
إحنا بنفكر مكانك
دينك إسلامك
وأفعالنا أفعالك
عشان تبقى كدة بني آدم
وتفكك من الصعاليك صحابك
خليك معانا .. تلقى الجنة قدامك
إنت كويس .. بس إلغي دماغك
تبقى أحسن واحد في الدنيا
وتملك اللي عاوزه في ثانية
دوري في الكلام مش هيكون هنا .. هيكون على أرض الواقع