من ساعة ما الثورة قامت وانا ابتديت اهتم بالسياسة
ومن ساعة ما اهتميت بالسياسة .. كنت مركز قوي مع شعار (عيش .. حرية .. عدالة إجتماعية)
في حين اني لما حاولت أشوف هل احنا متوحدين فعلا زي ما قدرنا نتوحد على الشعار دة .. لقيت اننا كلنا اختلافات .. ودة طبيعي .. إنما اللي مش طبيعي .. كمية الإنقسامات جوة كل فكر او كيان
يعني المعارضة اللي كانت موجودة لقيتها متمثلة في الإخوان و6 أبريل والشيوعيين والإشتراكيين وقليل جدا من الليبراليين .. ودخل عليهم مؤخرا السلفيين
لقيت ان الإخوان من جواهم فيه انشقاقات .. و6 أبريل بقو جبهتين .. وحملة دعم البرادعي انقسمت اتنين .. والشيوعيين مقضينها خناقات مع بعض .. والإشتراكيين فيهم اللي في أحزاب وفيهم اللي رفضو وعملو تيار .. حتى الناصريين منهم اللي ناصريين جدد ومنهم اللي بيقدسو عبد الناصر .. والس
أنا إتبضنت .. وقررت أعتزل سياسية
بس فكرت في حاجة ممكن تجمع كل دول تاني
عيش .. حرية .. عدالة اجتماعية
نشرح أكتر
بالنسبة للعيش .. إحنا نعمل فرن .. ونسميه فرن الثورة .. منها يجمعنا ومنها نخدم البلد اللي مش لاقية تاكل
ونمسك الليبراليين الإدارة .. والإشتراكيين يمسكو شئون العاملين .. والإسلاميين يشتغلو عمال .. او في التوزيع
بالنسبة للحرية .. إحنا نعمل تمثال واحدة عريانة وماسكة فاس بتاع الشيوعيين .. وممكن نلبسها نقاب على اللحم مثلا .. يبقى خدنا من دة على دة .. ونحطه في ميدان التحرير
بالنسبة للعدالة الإجتماعية .. إحنا نجيب واحدة خريجة آداب اجتماع .. وتكون مزّة عداااااالة يعني .. ونسميها عدالة .. ونلبسها بالطو القضاء ونغمي عينيها ونمسكها ميزان مقلوب .. ونقف نتصور وراها كلنا
وبكدة نبقى حققنا التلات شعارات بتاعتنا واقدرنا نلتف حوله من جديد
عيش .. حرية .. عدالة إجتماعية
ليست هناك تعليقات:
إرسال تعليق