حبيتك
أيوة حبيتك ودبت فيكي
سباح ماهر وغرقت في بحور عينيكي
من أول يوم شوفتك وانا مش متظبط
إحساسي بقى مش على بعضه .. متلخبط
ما بين العشق والهيام أنا هايم
في صورتك سارح بفكر فيكي
ماشي بنادي يا أولاد الحلال
بقى فيه كدة رقة وجمال
تسمعني حبيبتي وتنكسف
وتقولي يا واد بطل بكش
فرحانة بكلامي وطايرة
ومن القلب ضحكتها هايلة
أتجرأ وأقولها بحبك
تقولي منا عارفة
أقولها : بقولك بحبك
تقولي : الفكرة واصلة
أقول : طيب إيه اللي واصلك
تقولي : إنك بتحبني زي أختك
فجأة .. حسيت بوجع
في قلبي وكأنه انخلع
صدمتني كلمة كنت متوقعها
بس مكنتش عاملها حساب
إزاي بتقولي إخوات
طب وكلامي وهمسي ليكي
وقصايد عشقي فيكي
وكلام التليفونات
دة الليل سهرته عشانك
وقلبي
ساب الدنيا وجالك
وقالك إنه بتاعك
وبردو تقولي إخوات
طيب أجيب منين كلمات
تقولك إيه اللي بيا
واللي اتكسر فيا
وايه تفتكري يحصل
ويرجع اللي فات
لو حبي ليكي أخوة
كان هيفضل جوة
وإنه يخرج .. هيهات
حبي ليكي أنا عارفه
ومن قلبي غارفه
ووحدي أقول دة حب
لأني وحدي شايفه
بلاش تهيني حبي
وتقولي أصله وهم
أنا اللي أدرى بقلبي
دة أصل كله غم
ودي كانت حكاية
مقتولة من البداية
دلوقتي بقت نهاية
مرمية عالطريق
ليست هناك تعليقات:
إرسال تعليق