كراهية

أكره الغباء ..
أكره الإستنتاجات المبنية على فراغ ..
أكره التعصب ..
أكره الإلحاح ..
أكره الإتهامات المسبقة بدون دليل ..
أكره شد ذيول القطط ..
أكره الإخوان المسلمين واليهود ..
أكره الكذب ..
أكره الأفوّرة ..

أكره السادية ..

أكره التناكة ..

أكره أن يشعر الآخرون بالشفقة تجاهي ..

أكره التعالي ..

أكره الإيذاء ..

أكره السجون ..

أكره المجون ..

أكره طرقعة الأصابع .. 

أكره إبخاس الناس قدرهم ..

أكره القبح .. 

أكره الشر ..

أكره التعدي على الخصوصيات ..

أكره السرقة ..

أكره مخالفة القوانين ..

أكره القوانين ذاتها ..

أكره الجري خلف الكلاب ..

أكره الجري أمام الكلاب ..

أكره الإستغلال ..

أكره الإستخفاف ..

أكره الجريمة ..

أكره الإدعاء ..

أكره اللعب في الأنف بالأصابع ..

أكره التدافع ..

أكره الغرور ..

أكره الرأسمالية ..

أكره الندّية ..

أكره الغيّبة ..

أكره الإهانة ..

أكره المهانة ..

أكره الذل ..

أكره الضعف ..

أكره مراقبة الناس لي ..

أكره دس الأنوف في الشئون

أكره الصراصير ..

أكره الروائح الخبيثة ..

أكره صوت الصرير ..

أكره الطعام ..

أكره الغبار ..

أكره الظن ..

أكره أن أعيش ..

أكره أن أموت ..

.

.

.
وأخيراً ..

 أكره الــكــراهــيــة

عنيكي

في عينيكي .. سال الكلام دموع
بالمشاعر مشحون
بيقولي كلام
كان بالنسبالي أحلام
وحتى الأحلام
مكنتش ممكنة
ولا الدموع
ولا الأوهام
دة القلب كان صامت مشجون
بالهم مقتول
والفرحة بالنسباله أسطورة
بتحكي عن عنقاء
وبتول
والعدرا في مخدعها بتبكي
وسامعة الكلام والقول
وأنا واقف على باب المغارة
مستنيكي
عشان أمسح دمعة عنيكي
وآخدها في منديلي
آآآآآآآآآآآآآآآآآآه
آه يا عذرائي
ياللي منديلك حياتي
خدش حيائي
خلاني أتنفس هواكي
وأنشر هدومي على جفونك
تنشفها نظرة عنيكي
وعنيكي .. لسة بتحكي
وبتلبسني الهدوم
مع إن العري فيها فضيلة
مش حب في ضلمة
ولا اتنين في حظيرة
لكن الحب في قلبك أمان
من أقربهم ليا
ومن اللي خان
وشفايفك بتبوس إديا
مش إستهوان
ولكن الحب غالب
وغالي
وبالإمكان أكون في حضنك
وبالإمكان .. أخطف روحك
ولكن روحي في روحك متعلقة
إزاي أسيب بيوت
بالأزهار متزوقة
يا عشقي العاشق لكياني
يا درة أكواني
يا شمس الشموس المشرقة
يا روح الروح الحاضرة .. الغائبة
تراني مستنيكي
مع إنك جوايا
مش قادر أقول
ولا أشكي إليكي
ولكن .. على سبيل الغواية
برمشلك بعيوني
وعيوني ليكي مشتاقة
والغربة حراقة
وكلامي مش موزون
لكنه مفهوم
وانتي فاهماني
وعنيكي حساني
وقلبك قالب كياني
إمتى تيجي من تاني
أمسح دمعة عينكي
وأغرقك في حناني
وحناني إيه جنب حنانك
دة لو قلبي كائن عاقل
مكنش فكر وسابك
ولكن الفكر لقلبي عيبة
والكلام غيبة
آآآآآآآآآآآآآآآآآآآآآآه
خلص الكلام
وفضلت دموع عنيكي
المرة دي آخر دمعة
هستقبلها على خدي
وأبلعها
وألمس إديكي
وأبوسها
وأخدك في حضني
وأتوه
في مجرات الكون العاشق
واللي في عنيكي
كوّن كواكبه وشموسه
واللي لو وهبني نص قوته
هتظل مجراتي كلها
في عنيكي
بحبك

الإستمناء الإنساني

الإستمناء الإنساني : هو محاولة عصر الليمون على النفس أثناء تأدية عمل إنساني بحت ولكن مكره عليه .. كأن يكون تجاه أشخاص مختلف معهم مثلا .

مثل تلك المرة التي نزل بها إخواننا من الأيدلوجيات المختلفة للدفاع عن السلفيين أثناء هجوم البلطجية عليهم في العباسية .. وعلى الرغم من اختلاف الإيدلوجية وعلى الرغم من الصراع الشديد بينهم إلا أنهم أجرو عملية الإستمناء الإنساني (أي عصرو نفسهم من أجل إخراج كل الإنسانية الموجودة بداخلهم) للذهاب والدفاع عن إخوانهم "في الإنسانية" السلفيين .

ولذلك شبهت تلك العملية بالإستمناء لأن الإستمناء الذي نعرفه هو صراع مع الجسد لإخراج الحيوانات المنوية والتي لها طرق أخرى طبيعية في الخروج .. ولكننا نجبرها على الخروج بتلك الطريقة

والإستمناء الإنساني : هو إكراه النفس على إخراج المعاني الإنسانية المدفونة وترفض الخروج بالطرق الطبيعية فتخرجها بكثير من العصر والتدليك للنفس .

السبب في التفكير في تلك المقولة كان ردا على أحد الأصدقاء المعارضين للنزول والدفاع عن السلفيين في العباسية .. فأطلق لفظ الإستمناء الثوري على من ذهبوا إلى العباسية وأراد بها أن يقول ان لديهم شهوة ثورية يريدون تفريغها في الهتافات الثورية وإلقاء الحجارة على الشرطة والجيش .

شجرة

أوقات .. حياتنا بتبتسم
وأوقات بريشة بتترسم
وفي القلب شجرة مايلة
بتمد فروعها بالخير
بضلاية سمرا تحمي عجوز
من لسعة شمس
والفراشة حواليه طايرة
بجمالها تسحره
وبألوانها تبهره
ولسة الريشة دايرة بترسم
ولسة العجوز قاعد تحت الشجرة
مستمتع بالضل وبالخضرة
نام العجوز
صحي وسط الليل على صوت خربشة
آخخخخخ الوقت أخر .. والدنيا مغبشة
والليل فارس
وفارش ملايته السودا عالمكان
والعجوز قلقان
لا شايف صحرا ولا بستان
والخربشة بتقرب كمان وكمان
طيب يعمل إيه والصحة عالقد
لو طلع ان الصوت دة أسد
يطلع يجري .. لا مش ممكن
او يستنى ويشوف ايه هيحصل
فجأة ظهر ديب كبير
على الأرض بيدوس
وماشي ناحية العجوز
ووراه ديابة كتير
بتلمع عنيهم في الضلمة
والنيه أكيد باينة
عاوزين يكلوه
مات العجوز مليون مرة
وهو لسة عايش
للأسف عايش
على عكس ما تمنى
في اللحظة الصعبة دية
الديب الكبير قرب
ومجهز مخالبه وأنيابه
ووراه عيلته وأصحابه
ووصلو عند العجوز
المستسلم لمصيره الواضح
وبسبب عجزه الفاضح
قرر يتاكل في صمت
ورمى نفسه عالأرض
وفي لحظة فارقة
دبت الحياه في الشجرة
ومالت الفروع  الخارقة

تلسع الديابة
وضربت عنيها الخلابة
واتفرقت الجموع
وصوتهم مسموع
والعجوز لسة عالأرض
ولما الوقت عدى
رفع راسه .. وإتخض
الديابة جرت
وأنا لسة عايش
مفهمش اللي حصل
ولا همه اللي كان
المهم انه حاسس
بالحياه من جديد
وبالفرحة .. والحنان
وجوة القلب شجرة
حمت عجوز غلبان
ولسة الريشة دايرة
بترسم بالألوان
قصة عايشة في قلبي

وكان يا مكان

عن الحب سألوني

عن الحب سألوني .. بس مكنش ليا نفس أجاوب
أقول إيه وليه وعشان إيه .. ما كل حاجة إتقالت
أقول آه يقولو لأ وأقول لأ يقولو آه .. وأنا بقول هانت
وإيه يتقال بعد اللي جرى .. ما الحقيقة خلاص بانت
الحب طير بجناح مكسور .. وكفته في الميزان مالت
مخلوق مشوه محبوب خجلان .. وقعدته وسطينا طالت
بيحب يدب .. يدب يدب .. جوة القلوب دبدوب شارب
والسر في فيه ومنه وإليه .. ومكتوب علينا والقدر غالب
جربته كتير .. والمر في كاسه عسل نحل بس حادئ
وحلاوته في مرارته ومرارته في عذابه ودايما صدقه كاذب
الحب تجري وراه ومتطولش ويجري وراك ولو طالك
تبص بوش مكسور النفس وتنفضله فتصبح هالك
لا بعده دافع ولا قربه نافع والحظ في اللعبة وارد
وهي فرصة دة الحب بورصة والرهان خسران وكاسب
اوعاك تحسبله ولا تخشبله .. سيب نفسك ليه وحاسب
لتعدي الحلوة وتنسى الغنوة ونحسك يفضلك مصاحب
إنسى القديم دة ربك كريم وقوم وجرب وحارب
ولو قمت واخري وفاتك القطر .. نفضله وجدف بقارب
هي حياه واحدة .. يا إما نعيشها جامدة .. يا نموتها بدم بارد