قصيدة غير منتهية

كدبتي عليا .. وصدقتك

لأني كنت عاوز أصدقك

عطشان ونزلت بحرك

ومهمنيش ملوحة ميتك

المهم اني أشرب

وشربت بس مارتويت

أصله مكنش من كفك

سافرت بس ما وصلت

وكبرت بس ما كبرت

أصل الزمن وقف عندك

أكلمك تفرحي

وأزعلك تزعلي

لكن قلبي دايماً مطرحك

بتدخلي تلعبي

وأسندك لما تتعبي

ولما أتعب أنا

ألاقيكي في قلب غيري

وقلب تاني يحضنك

أحزن أنا .. أغضب أنا

تقولي .. مكانك مش هنا

وتقربي .. لما أحاول أبعدك

قتيلك أنا .. ذبيحك أنا

بقولها من أول السنة

والسنة تمر لحظة في قربك

واللحظة تطير كأنها مجتش

ولو تيجي تقتلها كلمة منك

مشكلتي اني مبندمش

ولو هندم ماراح أندم

على حلم وجودي جنبك

الحلم كان جميل

ومركبي غرق في النيل

والذنب اني عشقتك

يا ريتني ما كنت شوفتك

يا ريت الليل كان طال

يا ريت القلب ما كان مال

آه يا قلبي يا حمال

وجعتني .. الله يسامحك

لو كل الورق ورقي

ولو كل البحار حبري

ما راح يكفي وصفك

وما راح يكفي قصتي .. وقصتك

كفاية عليا جرحي

وكفاية قولة الآه

والشوك اللي في قلبي

من ورد جنتك

طردتنيني من الجنة

من قبل ما أدخلها

وأنا حالف لأدخلها

بس حلفاني باطل

وعلى الصيام مش قادر

طب أعمل إيه يا عمري

قبل ما يخلص عمري

وأنا واقف .. على باب قلبك

ركوع وركعت .. سجود وسجدت

ومن سهام رموشك .. إنصبت

والدم غرقني .. وتعبت

كلامي مش هيخلص

وهمومي مش هتنقص

ورسالتي مش هتوصل

لأن اللي جوايا منك

واللي منك ما راح يروح

ومهما طال البوح

قلبي هيهتف بإسمك

ومهما طال عمري

هيفضل مرهون بعمرك

وبردو .. مش هيخلص

لا أدري

لا أدري .. فقط لا أدري

ولا أدري إن كان مذهبي .. لا أدري

أو أن قدري كان .. لا أدري

أو أن الله في السماء .. لا أدري

أو أن القلب يدرك .. ويدري

فالعلم .. لا أدري

ودراية عقلي .. لا أدري

أحبها .. لا أدري

هي نفسها .. لا تدري

لكن الحياه تجري

ولا تدري